Aleksandr Novak: Rusiyanın yanacaq bazarında vəziyyət gərgin olaraq qalır

Rusiyanın yanacaq bazarı neft emalı zavodlarına endirilən zərbələr səbəbindən gərgindir və onların bəziləri təmir üçün müvəqqəti olaraq işləmir.

NUHÇIXAN xəbər verir ki, bu barədə jurnalistlərə Rusiya Baş nazirinin müavini Aleksandr Novak bildirib.

O, hökumətin kifayət qədər yanacaq istehsalını təmin etmək üçün bütün lazımi tədbirləri gördüyünü bildirib. Novak benzin və dizel ixracına qoyulan qadağanın daxili bazarı sabitləşdirmək üçün zəruri olduğunu da qeyd edib.

Baş nazirin müavini bildirib ki, neft şirkətləri yanacaqdoldurma məntəqələrinin qiymətlərini inflyasiya səviyyəsində saxlayır, satıcılar isə vəziyyətdən əlavə mənfəət üçün istifadə edirlər.