ABŞ-nin neft ehtiyatları azalıb
Birləşmiş Ştatların kommersiya xam neft ehtiyatları azalır.
NUHÇIXAN xəbər verir ki, bu barədə ABŞ-nin Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 1 milyon 700 min barel azalaraq 409 milyon 700 min barel olub. Bazar proqnozları ehtiyatların 1 milyon 800 min barel azalacağı istiqamətində idi.
Birləşmiş Ştatların kommersiya ehtiyatlarına daxil olmayan strateji xam neft ehtiyatları da 3 milyon barel geriləyərək 316 milyon 500 min barel olub. Ölkənin benzin ehtiyatları isə hesabat həftəsində 1 milyon 500 min barel azalaraq 210 milyon 500 min barel təşkil edib.