ABŞ tələbə və jurnalistlər üçün viza rejiminə dəyişikliklər edəcək

ABŞ Daxili Təhlükəsizlik Nazirliyi əcnəbi tələbələrin, mədəni mübadilə proqramları iştirakçılarının və xarici media nümayəndələrinin ölkədə qalma qaydasında dəyişikliyi təsdiq edib.

NUHÇIXAN xəbər verir ki, bu barədə "Reuters" ABŞ-nin Federal Reyestrində dərc olunan bildirişə istinadən məlumat yayıb.

Sənədə əsasən, hazırda qüvvədə olan və ABŞ-də qalma müddətinin təhsil, mübadilə proqramı və ya media şirkətinin ABŞ nümayəndəliyində iş müddətindən asılı olduğu sistemin əvəzinə, bu kateqoriyadan olan əcnəbilər üçün vizaların sabit etibarlılıq müddəti müəyyən ediləcək.

Daxili Təhlükəsizlik Nazirliyindən qeyd edilib ki, qəbul edilmiş qayda ABŞ Konqresi tərəfindən baxılmalıdır, bundan sonra isə onun qüvvəyə minmə tarixi müəyyən ediləcək.