Fransa 2029-cu ildən sursat istehsalını bərpa edəcək

Fransa 1999-cu ildə dayandırdığı kiçik çaplı sursat istehsalına 2029-cu ildən yenidən başlayacaq.

NUHÇIXAN xəbər verir ki, bu barədə Fransa Silahlı Qüvvələr Nazirliyinin Silahlanma Baş İdarəsi (DGA) məlumat yayıb.

Yeni müəssisədə illik 75 milyon ədəd 5,56x45 mm və 7,62x51 mm kalibrli patron istehsalı nəzərdə tutulur. Zavod Drom departamentinin Klerye şəhərində yerləşəcək.

İstehsalın ilkin mərhələsində patronların yığılması və qablaşdırılması həyata keçiriləcək. DGA bildirib ki, layihə Fransanın döyüş hazırlığının və yüksək intensivlikli münaqişələrə hazırlıq imkanlarının artırılması strategiyasının bir hissəsidir.