Aİ 2040-cı ilə qədər elektrikləşdirmə hədəf göstəricini ilk dəfə təklif edib
Avropa Komissiyası Aİ iqtisadiyyatının elektrikləşdirilməsini sürətləndirmək üçün fəaliyyət planı təqdim edərək, ilk dəfə olaraq 2040-cı ilə qədər elektrik enerjisinin son enerji istehlakında payını 46 faizə çatdırmağı təklif edib.
NUHÇIXAN xəbər verir ki, təşəbbüs Aİ-nin idxal olunan neft və qazdan asılılığını azaltmağı, enerji təhlükəsizliyini gücləndirməyi və Avropa iqtisadiyyatının rəqabət qabiliyyətini artırmağı hədəfləyir. Hazırda elektrik enerjisinin payı təxminən 23 faiz təşkil edir və son on ildə faktiki olaraq dəyişməz qalıb.
Bu yeni məqsədə çatmaq üçün Brüssel sənayedə elektromobillərin, istilik nasoslarının və elektrik texnologiyalarının tətbiqini sürətləndirməyə, həmçinin enerji şəbəkəsini modernləşdirməyə ümid edir. Avropa Komissiyasının qiymətləndirməsinə görə, planın həyata keçirilməsi 2040-cı ilə qədər qazıntı yanacağı idxalında hər il 260 milyard avroya qədər qənaət etməyə imkan verəcək.