Tenqiz yatağında 2026-cı ildə 40 milyon tona qədər neft hasilatı planlaşdırılır
“Tenqizşevroil” (TCO) şirkəti 2026-cı ilin sonuna qədər 40 milyon tona qədər neft hasil etməyi planlaşdırır.
NUHÇIXAN Qazaxıstan Energetika Nazirliyinə istinadla xəbər verir ki, Tenqiz yatağının ən böyük genişləndirmə mərhələsinin başa çatmasından sonra şirkət layihə gücünə çatıb. Gündəlik neft hasilatı təxminən 120 min ton təşkil edir.
2026-cı ilin birinci yarısında TCO 16,6 milyon ton neft hasil edib. Yatağın genişləndirilməsi layihəsi çərçivəsində tətbiq edilən yeni istehsal gücü planlaşdırılan səviyyəyə çatıb.
Qazaxıstanın energetika naziri Yerlan Akkenjenov istehsal kompleksinin sabit işləməsinin təmin edilməsinin və ilin sonuna qədər tələb olunan istehsal tempinin saxlanılmasının vacibliyini vurğulayıb.