Fransada qəsdən meşə yanğınları törətməkdə şübhəli bilinən 128 nəfər saxlanılıb
Fransada bu il meşə yanğınlarını qəsdən törətməkdə şübhəli bilinən 128 nəfər saxlanılıb.
NUHÇIXAN xəbər verir ki, bu barədə ölkənin daxili işlər naziri Loran Nünez yanğınlar zamanı həlak olmuş 2 yanğınsöndürənin xatirəsini anmaq üçün Jirond departamentinə səfəri zamanı məlumat verib.
O bildirib ki, ilin əvvəlindən Fransada təxminən 12 min 500 yanğın ocağı qeydə alınıb və alov 44 min hektardan çox ərazini əhatə edib.
Nazirin sözlərinə görə, ölkə hazırda "qırmızı risk zonası"ndadır. O, yüksək temperaturun və quru bitki örtüyünün yanğınların sürətlə yayılmasına şərait yaratdığını vurğulayaraq, əhalini diqqətli olmağa çağırıb.
Qeyd edək ki, Fransanın bir sıra bölgələrində hazırda yanğın təhlükəsinin yüksək olaraq qaldığı bildirilir.