Bolqarıstanda prezident seçkilərinin vaxtı açıqlanıb
Bolqarıstanda növbəti prezident seçkiləri oktyabrın 25-də keçiriləcək.
NUHÇIXAN Bolqarıstanın BTA informasiya agentliyinə istinadla xəbər verir ki, bununla bağlı qərar Bolqarıstan Milli Assambleyası tərəfindən qəbul edilib.
Bolqarıstan qanunvericiliyinə əsasən, prezident ümumxalq səsverməsi yolu ilə 5 il müddətinə seçilir. Heç bir namizəd tələb olunan səs çoxluğunu qazanmasa, 7 gün sonra ən çox səs toplamış 2 namizəd arasında II tur keçiriləcək.
Prezident səlahiyyətlərini icra edən İliana Yotova seçkilərdə iştirak edəcəyini açıqlayıb.