Yunanıstanda yanğının söndürülməsi zamanı iki helikopter toqquşub
Avqustun 2-də Yunanıstanda güclü meşə yanğınının söndürülməsi əməliyyatı zamanı iki helikopter havada toqquşub.
Hadisə Afinanın Psata bölgəsində baş verib.
NUHÇIXAN xəbər verir ki, bu barədə ölkənin yanğınsöndürmə xidməti məlumat yayıb.
Yanğınsöndürmə xidmətinin açıqlamasında bildirilir ki, ekipaj üzvlərinin tapılması üçün hazırda xilasetmə əməliyyatı davam etdirilir.
Hazırda Yunanıstan güclü küləklərin alovlandırdığı və sürətlə yaydığı bir neçə meşə yanğını ilə mübarizə aparır.