Bütün ermənilərin katolikosu bu gün hakim qarşısına çıxacaq
Bu gün bütün ermənilərin katolikosu II Qareginin məhkəməsi olacaq.
NUHÇIXAN xəbər verir ki, II Qareginlə birlikdə Erməni Apostol Kilsəsinin altı üzvü də hakim qarşısına çıxacaq. Bu Ermənistan və Erməni Kilsəsi tarixində ilk belə hadisədir.
Bütün ermənilərin katolikosuna və altı yepiskopa qarşı cinayət işi üzrə ilkin dinləmələr Armavir vilayətinin ümumi yurisdiksiyalı birinci instansiya məhkəməsində keçiriləcək.
Qeyd edək ki, bu ilin fevral ayında Ermənistan Baş Prokurorluğu II Qareginə qarşı cinayət işi açıb. Onun ölkədən çıxışı qadağan edilib.