Ağ Evin modernləşdirilməsi üçün 900 milyon dollarlıq layihə hazırlanıb

ABŞ Prezidenti Donald Trampın administrasiyası Ağ Evin ərazisində tikinti layihələrinə azı 900 milyon dollar xərcləməyi planlaşdırır.

NUHÇIXAN "Reuters"ə istinadən xəbər verir ki, bu barədə "Washington Post" xəbər verir.

Qeyd olunub ki, Konqresdən birbaşa vəsait almaq əvəzinə, administrasiya digər dövlət qurumlarından və özəl donorlardan maliyyə cəlb edərək onu adətən Ağ Evin cari xidməti üçün bir neçə milyon dollar saxlanılan hesaba yönəldib.

Məxfi müqavilələrə və onlarla bağlı planlaşdırma sənədlərinə əsasən, administrasiya bu hesabdakı vəsaitləri Ağ Evin "modernləşdirmə layihələri" üçün istifadə etməyi nəzərdə tutur.