ABŞ-də bağırsaq infeksiyasına yoluxanların sayı 15 mini ötüb

Mayın 1-dən bəri ABŞ-də laboratoriyada təsdiqlənmiş siklosporiaza yoluxma hadisəsi 15 mini keçib.

NUHÇIXAN xəbər verir ki, bu barədə ABŞ Xəstəliklərə Nəzarət və Profilaktika Mərkəzi məlumat yayıb.

Xəstəlik 47 ştatda qeydə alınıb. Son üç ay ərzində 828 nəfər xəstəxanaya yerləşdirilib və iki ölüm baş verib.

Siklosporiaz uzunmüddətli sulu ishal, zəiflik, iştahsızlıq və mədə sancılarına səbəb olan bağırsaq infeksiyasıdır. İnfeksiya parazitlə çirklənmiş qida və ya su istehlakı zamanı baş verir. Xəstəliklərə Nəzarət və Profilaktika Mərkəzi xəstəliyin yayılması ilə bağlı bir neçə epidemiyanı araşdırır.