Rza Arif: ABŞ-nin iqtisadi təzyiqi İran xalqının iradəsini dəyişdirə bilməz
Vaşinqtonun sanksiyalar vasitəsilə Tehrana artan iqtisadi təzyiqi İran hökumətinin və xalqının mövqeyini dəyişməyəcək, əksinə, əks təsir göstərəcək.
NUHÇIXAN-ın məlumatına görə, bunu İranın birinci vitse-prezidenti Məhəmməd Rza Arif "X" sosial şəbəkəsində yazıb.
"Hökumət imkan verməyəcək ki, Amerika iqtisadiyyatı (təzyiqi-red) iqtisadi sabitliyə və insanların (İran əhalisinin- red) dolanışığına zərbə vursun. İslam İnqilabının təcrübəsi göstərdi ki, iqtisadi təzyiq İran xalqının iradəsini dəyişdirə bilməz və əks nəticəyə gətirib çıxarır", - o yazıb.
Daha əvvəl ABŞ Prezidenti Donald Tramp genişmiqyaslı iqtisadi müharibənin başladığını və İranın təcrid olunacağını elan edib. O, həmçinin İslam Respublikasını dəstəkləyən və ya iqtisadi əlaqələri olan ölkələri sanksiyalarla hədələyib.