Paşinyan güc strukturlarında informasiya sızmasının qarşısının alınmasını tapşırıb

Ermənistanın Baş naziri Nikol Paşinyan hüquq-mühafizə orqanlarına öz sıralarında müxalifətə məlumat "sızdıran" xəbərçiləri aşkar etməyi tapşırıb.

NUHÇIXAN xəbər verir ki, bu barədə o mətbuat konfransında bildirib.

Baş nazir qeyd edib ki, informasiyanı daxildən xaricə ötürən xəbərçiləri "köstəbək" adlandırırlar.

O, həmçinin xəbərçilər tapılmayacağı təqdirdə kütləvi kadr təmizləmələri ilə hədələyib.

"Mən artıq demişəm: onlara həsəd aparmıram! Mən hüquq-mühafizə sisteminə tapşırıq vermişəm: axtarın və əgər konkret müddətdə tapmasanız, deməli, mənim üçün günahkar siz hamınız olacaqsınız. Mənə adlar və sübutlar lazımdır. Əgər onlar olmasa, mən sizə birbaşa deyirəm - mənim qərarlarımın səlahiyyət dairəsində olan hüquq-mühafizə sistemi bölməsində kütləvi qovulmalar olacaq", - Baş nazir qeyd edib.