ABŞ Sakit okeanda narkotik qaçaqmalçılığında istifadə olunan gəmini məhv edib
ABŞ hərbi qüvvələri Şərqi Sakit okeanda narkotik qaçaqmalçılığında istifadə edilən gəmini ələ keçirərək məhv edib.
NUHÇIXAN xəbər verir ki, bu barədə ABŞ Cənub Komandanlığı məlumat yayıb.
Bildirilib ki, əməliyyat Ekvador hakimiyyəti ilə koordinasiya şəraitində həyata keçirilib. Gəminin “Los Choneros” narkotik kartelinin maraqları naminə istifadə edildiyi müəyyənləşdirilib.
Gəmidə olan şəxslər Ekvador hakimiyyətinə təhvil verilib. Axtarış başa çatdıqdan sonra gəmi ABŞ qüvvələri tərəfindən batırılıb.