Rusiya Prezidenti: Əmrimlə Kiyevə zərbələr dayandırılıb
Biz rəsmi kanallar - həm kəşfiyyat xidmətləri, həm də Xarici İşlər Nazirliyi vasitəsilə - Kiyevə zərbələrin dayandırılması ilə bağlı müraciətlər aldıq. Mən müvafiq əmri verdim və bu gün gecə yarısından etibarən Kiyevə zərbələr dayandırılıb.
NUHÇIXAN Rusiya mətbuatına istinadən xəbər verir ki, bu barədə Rusiya Prezidenti Vladimir Putin Ağ Evin xüsusi elçiləri Stiv Vitkov və Cared Kuşnerlə Kremldə keçirdiyi görüşdə danışıb.
“Qeyd etmək istərdim ki, Ukrayna tərəfi Rusiya Federasiyası ərazisinə, o cümlədən Moskvaya hücumlarını əhəmiyyətli dərəcədə azaldıb”, - deyə Putin bildirib.
O qeyd edib ki, Rusiya tərəfi Ukrayna ilə daha geniş atəşkəs barədə razılığa gəlməyib.
“Ukrayna hakimiyyəti üç günlük daha geniş atəşkəs elan edib, lakin biz bu barədə onlarla heç vaxt razılığa gəlməmişik. Amma danışıqlar prosesinin və sizin və bəlkə də sizi müşayiət edənlərin təmsil etdiyi vasitəçilərin təhlükəsizliyini təmin etmək üçün əlimizdən gələni edəcəyik", - deyə Putin vurğulayıb.