Türkiyədə ağır qəza olub, ölən və yaralananlar var
Türkiyənin Düzcə vilayətində yük maşını kənd təsərrüfatı işçilərini aparan nəqliyyat vasitəsi ilə toqquşub.
NUHÇIXAN xəbər verir ki, bu barədə "Haber Global" məlumat yayıb.
Məlumata görə, qəza nəticəsində 4 nəfər ölüb, 8 nəfər yaralanıb.
Hadisə yerinə təcili tibbi yardım və jandarm əməkdaşı cəlb olunub.
Yaralılar ətrafdakı xəstəxanalara çatdırılıblar.
Faktla bağlı araşdırma aparılır.