ABŞ-nin iqtisadi blokadası Kubaya son bir ildə 8 milyard dollardan çox ziyan vurub
ABŞ-nin iqtisadi blokadası Kubaya son bir ildə 8 milyard dollardan çox ziyan vurub.
NUHÇIXAN xəbər verir ki, bunu Kubanın xarici işlər naziri Bruno Rodriges bildirib.
Onun sözlərinə görə, bu, rekord göstəricidir və 2024-2025-ci illər üzrə əvvəlki hesabatda göstərilən rəqəmdən 7 faiz çoxdur.
Nazir ABŞ-nin tətbiq etdiyi blokadanı Kuba xalqına qarşı “kollektiv cəza” kimi qiymətləndirib və sanksiyaların ərzaq, elektrik enerjisi, su, səhiyyə, təhsil və nəqliyyat sahələrinə ciddi təsir göstərdiyini deyib.
Kubanın Xarici İşlər Nazirliyinin məlumatına görə, 1960-cı ildən tətbiq olunan iqtisadi blokadanın ölkəyə ümumi zərəri cari qiymətlərlə 178,7 milyard dollara çatıb.
Rodriges ABŞ sanksiyalarının Kuba iqtisadiyyatına təsiri barədə hesabatı jurnalistlərə təqdim edib. Sənədin daha sonra BMT-nin Baş katibi Antonio Quterreşə təqdim ediləcəyi bildirilib.