Paşinyan və Mirziyoyev ticari-iqtisadi əlaqələrin genişləndirilməsini müzakirə edib
Ermənistanın Baş naziri Nikol Paşinyan və Özbəkistan Prezidenti Şavkat Mirziyoyev telefon danışığı zamanı iki ölkə arasında ticari-iqtisadi əlaqələrin genişləndirilməsi ilə bağlı tədbirləri müzakirə ediblər.
NUHÇIXAN Ermənistan mediasına istinadən xəbər verir ki, məlumatı Baş nazirin aparatı yayıb.
Tərəflər Ermənistan-Özbəkistan münasibətlərinin və ikitərəfli gündəliyin gələcək inkişafına dair məsələləri müzakirə ediblər.
Paşinyan və Mirziyoyev ticari-iqtisadi əlaqələrin genişləndirilməsi üçün ardıcıl tədbirlərin görülməsinin vacibliyini vurğulayıblar.
Bundan başqa, regional proseslər, o cümlədən Cənubi Qafqazda kommunikasiyaların açılması istiqamətində görülən işlər ətrafında fikir mübadiləsi aparılıb.