İsrailin Livana hücumları nəticəsində ölənlərin sayı 4386-ya çatıb

İsrailin Livana hücumları nəticəsində ölənlərin sayı 4386-ya, yaralananların sayı isə 12413-ə çatıb.

NUHÇIXAN xəbər verir ki, bu barədə Livanın Səhiyyə Nazirliyi məlumat yayıb.

Məlumata görə, son 24 saat ərzində ölkənin cənubundakı Nəbatiyyə əyalətinə endirilən hava zərbələri nəticəsində 5 nəfər həlak olub.

İsrail aviasiyası sentyabrın 25-də Kfar Tibnit və Nəbatiyyə əl-Fəvqa yaşayış məntəqələrinə zərbələr endirib. Həmçinin Zautar əl-Şərqiyyə kəndinin ətrafı artilleriya atəşinə tutulub.

Sərhəd bölgəsində yerləşən bir sıra yaşayış məntəqələrinin də bombardman edildiyi və mülki əhali arasında itkilərin olduğu bildirilir.