Əraqçi: İran təzyiq altında suveren hüquqlarından imtina etməyəcək
İran təzyiq və təhdidlərə baxmayaraq, suveren hüquqlarından imtina etməyəcək.
NUHÇIXAN xəbər verir ki, bunu İranın xarici işlər naziri Abbas Əraqçi BMT-nin mənzil-qərargahında jurnalistlərə açıqlamasında deyib.
O bildirib ki, İran məcburiyyət, təhdid və qorxutmanı qəbul etmir. Nazir vurğulayıb ki, dövlətlərin suverenliyi şərti ola bilməz və BMT Nizamnaməsinə riayət etmək öhdəlikdir.
“Diplomatiya təslim olmaq deyil və sülh məhv etmə təhdidləri ilə qurula bilməz”, – deyə Əraqçi qeyd edib.