Peskov: Ukrayna ilə bağlı danışıqların bərpası qərarı Rusiyanın maraqlarına əsaslanaraq veriləcək
Rusiya Prezidentinin mətbuat katibi Dmitri Peskov jurnalistlərə bildirib ki, Ukrayna ilə bağlı danışıqların mümkün bərpası qərarı Rusiyanın milli maraqlarına əsaslanaraq veriləcək.
NUHÇIXAN xəbər verir ki, Rusiya Prezidenti Vladimir Putinin danışıqların bərpası ehtimalı ilə bağlı əvvəlki açıqlamalarını şərh edən Kremlin sözçüsü qeyd edib ki, RF lideri Moskvanın mövqeyini çox əhatəli şəkildə ifadə edib.
O bildirib ki, Rusiya Silahlı Qüvvələri hərbi əməliyyatlarını davam etdirir və uyğun hesab etdikləri hədəfləri ardıcıl olaraq vurur.
Peskov, həmçinin Rusiyanın milli maraqlarının ölkənin təhlükəsizliyinin təmin edilməsi ilə əlaqəli olduğunu vurğulayıb.
“Biz təhlükəsizliyimizi təmin etməliyik. Məsələn, Kiyev tərəfindən elan edildiyi kimi, qırx gün ərzində Rusiyaya qarşı sarsıdıcı zərbə endirmək planlarını heç kimin açıqlamasına yol verməməsini təmin etməliyik. Bunlar Rusiya Federasiyasının milli maraqlarıdır”, - deyə RF Prezidentinin mətbuat katibi bildirib.