Rusiyanın Belqorod vilayətinə dron hücumları nəticəsində ölən və yaralananlar var
Son 24 saat ərzində Rusiyanın Belqorod vilayətinə edilən dron hücumları nəticəsində bir nəfər ölüb, səkkiz sakin yaralanıb.
NUHÇIXAN xəbər verir ki, vilayətin qubernatoru Aleksandr Şuvayev yaralılardan dördünün xəstəxanada müalicə aldığını bildirib.
Vilayət qubernatorunun sözlərinə görə, son 24 saat ərzində Belqorod və bölgənin 13 rayonuna 119 hücum qeydə alınıb. Artilleriya və çoxsaylı raket sistemləri, eləcə də 25 pilotsuz uçuş aparatından partlayıcı qurğunun atılması ilə on hücum həyata keçirilib. Bölgə üzərində ümumilikdə 146 PUA vurulub və ya dəf edilib.
Regional əməliyyat qrupu Starıy Oskol rayonundakı bir müəssisəyə ziyan dəydiyini bildirib. Əməliyyat qrupunun məlumatına görə, Starıy Oskol şəhərinə, habelə İvanovka və Neznamovo kəndlərinə 13 dron hücumu olub, onlardan 12-si vurulub.
Bu arada, Rusiya Müdafiə Nazirliyi bildirib ki, hava hücumundan müdafiə vasitələri gecə ərzində Qara və Azov dənizləri üzərindəkilər də daxil olmaqla 443 dronu zərərsizləşdirib.