Əbu-Dabidə üçtərəfli danışıqlarda Rusiyanı Vladimir Medinski təmsil edəcək
Rusiya, ABŞ və Ukrayna arasında üçtərəfli danışıqlar 10-11 noyabr tarixlərində Əbu-Dabidə keçiriləcək. Rusiya nümayəndə heyətinə Rusiya Prezidentinin köməkçisi Vladimir Medinski rəhbərlik edəcək.
NUHÇIXAN xəbər verir ki, Rusiya Prezidentinin mətbuat katibi Dmitri Peskov ABŞ Prezidentinin xüsusi elçisi Stiv Uitkoff tərəfindən əvvəllər açıqlanan görüş tarixlərini təsdiqləyib.
“Həqiqətən də Rusiya nümayəndə heyəti 10-11 noyabr tarixlərində Əbu-Dabiyə gələcək və üçtərəfli danışıqlarda iştirak edəcək”, - deyə Kremlin sözçüsü bildirib.
O əlavə edib ki, Vladimir Medinski Rusiya tərəfindən baş müzakirəçi olaraq qalır.
Bir müddət əvvəl Stiv Uitkoff qarşıdan gələn danışıqların müharibədən sonrakı təhlükəsizlik, deeskalasiya, humanitar təşəbbüslər və münaqişənin həlli üçün əlavə addımlar mövzusuna yönələcəyini açıqlayıb.