İran və BƏƏ xarici işlər nazirləri regiondakı vəziyyəti müzakirə ediblər

İranın xarici işlər naziri Abbas Əraqçi və Birləşmiş Ərəb Əmirliklərinin (BƏƏ) baş nazirinin müavini, xarici işlər naziri Abdullah bin Zayed Əl Nəhyan telefonla regiondakı vəziyyəti müzakirə ediblər.

NUHÇIXAN  xəbər verir ki, bu barədə BƏƏ-nin Xarici İşlər Nazirliyinin rəsmi bəyanatında bildirilib.

Söhbət zamanı tərəflər son regional hadisələri nəzərdən keçiriblər.

Abdullah bin Zayed regionda təhlükəsizlik və sabitliyin möhkəmləndirilməsi üçün gərginliyin azaldılmasının və diplomatik səylərin irəlilədilməsinin vacibliyini vurğulayıb.