İsveç şahzadəsi Madlen uşaq serialını təqdim edib

İsveç şahzadəsi Madlen təbiətə və ətraf mühitin qorunmasına marağı artırmaq üçün hazırlanmış yeni “Nunanın sorağında” uşaq serialını təqdim edib.

NUHÇIXAN xəbər verir ki, layihənin ideyası pandemiya dövründə - şahzadə və rəfiqəsi gələcək serial üçün konsepsiya hazırlamağa başlayanda ortaya çıxıb. Madlen təqdimatda həyat yoldaşı və iki uşağı ilə birlikdə iştirak edib.

Şahzadənin sözlərinə görə, onun əsas ilham mənbələrindən biri atası, İsveç Kralı XVI Karl Qustav idi. O, uşaqlıqdan qızına təbiət sevgisi aşılayıb, tez-tez ailə gəzintiləri təşkil edib və ətraf mühiti qorumağın vacibliyini öyrədib.

Madlen, həmçinin öz uşaqlarından ilham alıb. Məsələn, oğlu Nikolasın sevimli yumşaq oyuncağı serialın personajlarından biri olan Manqo adlı kiçik uçan dələ üçün ilham mənbəyi olub.

Serialın premyerası dekabrın 5-də İsveçdə “SkyShowtime” yayım platformasında olacaq.