Türkiyədə zəlzələ baş verib
Türkiyənin Muğla vilayətinin Bodrum rayonunda Rixter cədvəli üzrə 4.2 bal gücündə zəlzələ baş verib.
NUHÇIXAN Türkiyə Fəlakətlər və Fövqəladə Vəziyyət Mərkəzinin (AFAD) rəsmi saytına istinadla xəbər verir ki, yeraltı təkan mayın 31-də yerli vaxtla saat 00.43-də qeydə alınıb. Zəlzələnin episentri Bodrum yaxınlığındakı Gökova körfəzində olub.
Qeyd edək ki, bundan əvvəl mayın 28-də bölgədə 4.6 bal gücündə zəlzələ baş verib. Yeraltı təkanların davamlı olması əhalidə ciddi narahatlıq yaradıb.