NASA “qızıl asteroid”ə kosmik missiya göndərəcək

ABŞ-ın Aeronavtika və Kosmik Tədqiqatlar Agentliyi (NASA) Mars və Yupiter planetlərinin arasında yerləşən “qızıl asteroid”i tədqiq edəcək. NUHÇIXAN “TheSun” qəzetinin saytına istinadla xəbər verir ki, sahəsi 225,3 kilometr olan bu göy cismi qiymətli ağır metallarla zəngindir. Psixeya adlanan bu asteroidə kosmik missiya göndərilməsi 2022-ci ilin avqustuna nəzərdə tutulub. Planetşünas ekspertlərin qənaətinə görə, bu göy cismində olan qızıl və digər qiymətli metallar Yer kürəsində bütün insanları varlı etmək üçün yetərlidir. Lakin NASA-dan bildiriblər ki, agentlik bu missiyanı gəlir əldə etmək üçün deyil, sırf elmi məqsədlərlə tədqiq edəcək.

Astronomlar qeyd edirlər ki, çəkisi Yerin təbii peyki olan Aydan cəmi 1 faiz az olan asteroid platin, dəmir, nikel və qızıl kimi qiymətli metallarla zəngindir. Onların ümumi dəyəri təqribən 700 kvintilyondur. Britaniyalı iqtisadçıların hesablamalarına görə, əgər bu qədər sərvət Yerə gətirilsə və dünya əhalisi arasında bərabər bölünsə, o zaman 7 milyard insanın hamısı milyarder ola bilər. Lakin təəssüf doğuran odur ki, bu, iqtisadi cəhətdən mümkün deyil. Dünya iqtisadiyyatı ümumilikdə 59,9 funt sterlinq dəyərindədir və bu miqdarda qiymətli metalların Yerə daşınmasını qəbul etmək iqtidarında deyil.

Böyük Britaniyadakı Asteroid Mədən Şirkətinin rəhbəri Mitç Hanter BBC te3lekanlına müsahibəsində bildirib ki, göy cisimlərində qiymətli metalların Yerə gətirilməsi yeni iqtisadi bum yarada bilər. Onun sözlərinə görə, əvvəlcə bunun üçün müvafiq infrastruktur yaradılmalıdır.

NASA-nın kosmik missiyası asteroidin olduğu orbitdə 21 ay qalacaq və asteroidin səthinə enərək tədqiqatlar aparacaq.