Rusiya Oqanes Ayrapetyanı beynəlxalq və federal axtarışa verib

Rusiya Təhqiqat Komitəsi Moskvada xüsusi xidmət orqanlarının keçmiş əməkdaşı Nikita Belyankini qətlə yetirməkdə şübhəli bilinən Oqanes Ayrapetyanı beynəlxalq və federal axtarışa verib.

NUHÇIXAN xəbər verir ki, iyunun 1-də Moskva ətrafındakı Krasnoqorsk rayonunda Rusiya xüsusi xidmət orqanlarının keçmiş əməkdaşı Nikita Belyankini qətlə yetirməkdə şübhəli bilinən erməni Oqanes Ayrapetyan istintaqdan yayınır. Bu günlərdə o, vəkili ilə əlaqə yaradaraq hüquq-mühafizə orqanlarına təslim olması üçün öz şərtlərini irəli sürüb. Oqanesyan vəkilinə hazırda qətl hadisəsi ilə əlaqədar təcridxanada saxlanılan qohumlarının və yoldaşlarının azad edilməsi müqabilində təslim olacağını bildirib. O da məlum olub ki, Ayrapetyan bundan əvvəl də oğurluq etdiyi üçün məhbusluq həyatı yaşayıb və bu ilin fevral ayında azadlığa buraxılıb.

Xatırladaq ki, qətl hadisəsi ilə əlaqədar Rusiya hüquq-mühafizə orqanları tərəfindən artıq 9 erməni saxlanılıb. Onlara qarşı qətl və xuliqanlıq maddələri ilə ittihamlar irəli sürülüb.