İstanbulda yerləşən kafedə robotlar müştərilərə xidmət göstərməyə başlayıblar

Türkiyənin İstanbul şəhərində yerləşən kafedə artıq ofisiantların əvəzinə robotlar müştərilərə xidmət göstərməyə başlayıblar.
 
NUHÇIXAN “ria.ru” saytına istinadən xəbər verir ki, hələ ki, sözügedən kafedə 3 robot-ofisiant işləyir, ancaq onların sayını 2 dəfə artırmaq planlaşdırılır. Xarici ölkədən satın alınmış həmin robotlar türkiyəli mütəxəssislər tərəfindən proqramlaşdırılıb.
 
Robot-ofisiantlar masaların nömrələnməsini bilir, danışır və çox çalışqandırlar ki, bu da müştərilərin xoşuna gəlir. Bu, Türkiyədə kafelər üçün tamamilə yeni formatdır. İndi sözügedən kafe çox populyardır,  robotlar isə vizit kartına çevrilib.