İmperator paradı üçün hazırlanmış avtomobil KİV nümayəndələrinə təqdim olunub

144

Məxsusi olaraq Yaponiyada keçiriləcək İmperator paradı üçün hazırlanmış avtomobil oktyabrın 7-də kütləvi informasiya vasitələrinin nümayəndələrinə təqdim olunub.

NUHÇIXAN xəbər verir ki, oktyabrın 22-də İmperator Naruhitonun taxta çıxma mərasimindən sonra təşkil ediləcək parad üçün nəzərdə tutulan avtomobil “Toyota” şirkəti tərəfindən “Century” sedanının bazasında yığılıb. Onun uzunluğu təqribən 5 metr, eni isə 2 metrə yaxındır.

Avtomobilin arxa oturacağı ön oturacaqdan 4 santimetr yuxarıdır, arxa söykənəcəyi isə 25 dərəcə mailidir. Bildirilir ki, bu, tamaşaçıların İmperator cütlüyünü daha rahat seyr etmələri məqsədinə xidmət edir.

Bundan əlavə, avtomobil digərləri ilə müqayisədə bir neçə qat artıq rənglənib ki, bu da ona daha çox parlaqlıq verəcək.

Avtomobilin kuzovunu möhkəmləndirmək üçün onun dibinə və digər hissələrinə gücləndirici elementlər əlavə edilib.

Hazırda avtomobil sürücünün hazırlığı üçün istifadə edilir. Onun tamaşaçılar qarşısında ilk dəfə oktyabrın 22-də nümayiş olunacağı bildirilir.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: