Gürcüstan gələn ildən Avropa Şurasına sədrlik edəcək

Gürcüstan 2020-ci ildə ilk dəfə olaraq Avropa Şurasına sədrlik edəcək.

NUHÇIXAN xəbər verir ki, bu açıqlama ilə Gürcüstanın Xarici İşlər naziri David Zalkaliani çıxış edib.

Onun sözlərinə görə, gələn il Gürcüstanda Avropa Şurasının Nazirlər Komitəsinin toplantısı təşkil olunacaq. Bununla yanaşı, ölkədə bir sıra tədbirlər də planlaşdırılıb.

Bundan başqa, Gürcüstan 2020-ci ildə “Şərq tərəfdaşlığı” sammitinə ev sahibliyi etməyə hazırlaşır.

D.Zalkaliani deyib ki, bu tədbirlərlə əlaqədar gələn ilin dövlət büdcəsində Xarici İşlər Nazirliyi üçün nəzərdə tutulmuş vəsaitin həcmi xeyli artırılıb.

Bu vəsaitin xeyli hissəsi beynəlxalq tədbirlərin təşkilinə sərf olunacaq.