"Facebook" bəzi tətbiqlərinin nasazlıqlarının səbəbini açıqlayıb

"Facebook" işçiləri hesab edirlər ki, sosial şəbəkənin və digər tətbiqlərin işindəki nöqsanların səbəbi proqram nasazlıqları idi, hal hazırda proqramın tam bərpası üçün iş gedir.

NUHÇIXAN-ın məlumatına görə, şirkət 28 noyabr açıqlamasında bildirib: "Bu gün, mərkəzi proqram sistemlərimizdən birində yaranan problem səbəbindən bir çox insan Facebook tətbiqetmələrinə daxil olmaqda çətinlik çəkib. Dərhal analiz apardıq, girişi təmin etməyə başladıq, indi tam bərpa üzrə işləyirik. Narahatçılığa görə üzr istəyirik".

Problemlər Rusiya, ABŞ, Böyük Britaniya, Fransa və digər ölkələrdəki istifadəçilər tərəfindən yaşanıb.