Daşkənddəki “Humo Arena” buz kompleksi dünyanın ən yaxşı idman obyektləri sırasında - FOTOLAR
2019-cu ildə dünyada tikilən ən yaxşı idman obyektlərinin siyahısına Daşkənddəki “Humo Arena” çoxfunksiyalı buz kompleksi də düşüb.
NUHÇIXAN xəbər verir ki, bu barədə Rusiyanın “Sport Build” jurnalının apardığı sorğuda bildirilir.
Siyahıda “Humo Arena” ilə yanaşı, “Tottenham Hotspur Stadium” (London), “Ferents Pushkash” (Budapeşt) arenaları və “Lujniki” Su İdmanı Sarayı (Moskva) da yer alıb.
“ENTER Engineering Pte.ltd” şirkətinin inşa etdiyi “Humo Arena” ilk çoxfunksiyalı buz kompleksidir. Tamaşaçı tutumu 12,5 min olan buz arenasında xokkey, buz üzərində sürüşmə, şort-trek üzrə beynəlxalq turnirlərdən əlavə, basketbol, voleybol, həndbol, futbol, boks, taekvondo və qılıncoynatma üzrə yarışlar keçirilə bilər.
Burada, həmçinin müxtəlif şoular, konsertlər, beynəlxalq forumlar, konfrans və sərgilər təşkil edilir.