Rəcəb Tayyib Ərdoğan Türkiyənin ilk elektromobilinin sükanı arxasına əyləşib

Türkiyə Prezidenti Rəcəb Tayyib Ərdoğan Bursa əyalətinin Qebze şəhərində ilk yerli elektromobilin sükanı arxasına əyləşib.

NUHÇIXAN bu barədə Türkiyənin NTV telekanalına istinadla xəbər verir.

“Bu gün ölkəmiz üçün tarixi gündür. Altmış illik xəyalımız reallığa çevrilir. Uzun illərdi ki, öz avtomobilimizi istehsal etmirdik. Yüzdən çox türkiyəli mühəndis yerli texnologiyalardan istifadə edərək layihə üzərində çalışıb. Bursa əyalətinin Gemlik şəhəri rayonunda yeni zavod tikiləcək”, - deyə Rəcəb Tayyib Ərdoğan bildirib.

Türkiyənin ilk elektromobilinin istehsalı üzrə layihənin investisiyası 13 il ərzində 22 milyard dollar təşkil edəcək. “Türk avtomobilləri” təşəbbüs qrupu ildə beş modeldən ibarət 175 min avtomobil istehsal etməyi planlaşdırır. Dövlət 2035-ci il dekabrın 31-dək 30 min elektromobil almaq niyyətindədir.