“Subaru” istehsal etdiyi 81 min avtomobili geri çağırır
Yaponiya istehsalçısı “Subaru” Çin bazarında satdığı 81 min 260 avtomobili təhlükəsizlik məsələlərinə görə geri çağırır.
NUHÇIXAN Çinin Dövlət Bazar Tənzimlənməsi Administrasiyasına istinadla xəbər verir ki, martın 14-dən başlayacaq proses 2013-2015-ci illərdə idxal edilmiş “Forester” modellərini əhatə edəcək. Administrasiyanın mütəxəssisləri müəyyən edib ki, həmin avtomobillərin arxa hərəkətetdirici orqanların yayları korroziyaya uğraya və sıradan çıxa bilər. Bu da öz növbəsində təhlükəsizlik riskləri yaradır.
“Subaru” qüsurlu hissələri öz hesabına dəyişəcək.