“Microsoft” korporasiyası “iOS” və “Android” üçün öz antivirus həllini təqdim edəcək

271

"Microsoft" korporasiyasının portfoliosuna yalnız "Windows" əməliyyat sistemi və "Office" paketi daxil deyil. ABŞ şirkətinin hazırlamalarından biri "AV-Test" mütəxəssisləri tərəfindən bazarda ən yaxşılardan biri kimi tanınmış antivirusdur. Korporasiya tezliklə "Android" və "iOS" mobil əməliyyat sistemlərinin idarəetməsi altında işləyən qurğular üçün sözügedən antivirusun mobil versiyasını təqdim edəcək.

NUHÇIXAN 4pda.ru saytına istinadən xəbər verir ki, ABŞ şirkəti mobil əməliyyat sistemləri üçün "Defender Advanced Threat Protection" adlı proqram həllini hazırladığını elan edib. Sözügedən proqram təminatı təhlükəli səhifələrin yüklənməsinin qarşısının alınması və cihazların fişinq hücumlarından qorunması kimi funksiyalara malik olacaq. "Microsoft"un vitse-prezidenti Rob Lefters deyib ki, "Android və iOS sistemləri kifayət qədər təhlükəsizdir, amma bu platformalar üçün zərərverici proqramlar həqiqətən mövcuddur".

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: