Rəcəb Tayyib Ərdoğan: Həm Rusiya, həm də Türkiyə ikitərəfli münasibətlərə diqqətlə yanaşır

Türkiyə Prezidenti Rəcəb Tayyib Ərdoğan Rusiya Prezidenti Vladimir Putinlə görüşün İdlibdə gərginliyin azalmasına kömək edəcəyini bildirib.

NUHÇIXAN xəbər verir ki, Rəcəb Tayyib Ərdoğan Türkiyə və Rusiya münasibətlərinin həm ticari-iqtisadi sahədə, həm də hərbi sənaye sahəsində yüksək səviyyəyə qalxdığını söyləyib. “Hesab edirəm ki, bu istiqamətdə irəliləmək lazımdır, bu, bizim başlıca vəzifəmizdir. Əminəm ki, biz bunu bacaracağıq”, - deyə Türkiyə lideri qeyd edib.

Rusiya Prezidenti Vladimir Putin İdlibdə baş verən hadisələrin bir daha təkrarlanmamasının, Rusiya-Türkiyə əlaqələrinə ziyan gətirməməsinin vacibliyini diqqətə çatdırıb. O vurğulayıb ki, həm Rusiya, həm də Türkiyə ikitərəfli münasibətlərə diqqətlə yanaşır.

Vladimir Putin Suriyada Türkiyə hərbçilərinin həlak olması ilə əlaqədar Rəcəb Tayyib Ərdoğana başsağlığı verib.