Serbiyalı həkimlər xəstələrin rahat nəfəs alması üçün qarnıüstə yatmağı məsləhət görürlər

İnsanlarda boğulma yaradan koronavirus zamanı xəstələrin daha yaxşı nəfəs ala bilmələri üçün yatmaq pozası aşkarlanıb.

NUHÇIXAN İnformasiya Agentliyi xəbər verir ki, serbiyalı həkimlər koronavirus və ya hər hansı səbəbdən boğulma yaşayan xəstələrə Prone pozasında yəni, qarnıüstə yatmağı tövsiyə edirlər. Həkimlər bildiriblər ki, belə yatmaq və ya uzanmaq hətta süni nəfəs aparatını əvəz edə bilər. Bu cür yatanda oksigenin ağciyərlərə daxil olması asanlaşır. Serbiyada həkimlər artıq nəfəs problemi yaşayan bütün xəstələrə bunu tətbiq edirlər.

Prone pozası Avropada nəfəs alma problemi yaşayan hər bir xəstəyə tətbiq olunur. Serbiyalı həkimlər xəstənin qarnı üzərində yatma müddətinin məhdud olmadığını da deyiblər. Xəstə özünü rahat hiss etdiyi müddət ərzində belə yatmaqda davam edə bilər. Hazırda bu metodu COVİD-19 müalicəsində də geniş istifadə edirlər.