Ermənistanda koronavirusa yoluxanların və bu virusdan ölənlərin sayı sürətlə artır
Son sutka ərzində Ermənistanda 397 nəfər koronavirusa yoluxub.
NUHÇIXAN İnformasiya Agentliyi xəbər verir ki, bu barədə Ermənistan Səhiyyə Nazirliyinin Xəstəliklə Nəzarət və Profilaktikası Milli Mərkəzi məlumat yayıb. Məlumatda bildirilir ki, bununla da Ermənistanda COVID-19 virusuna yoluxanların sayı 17 min 64 nəfərə çatıb.
Daha 16 nəfər isə koronavirusdan ölüb. Bu virusdan ölənlərin sayı 285 nəfərə yüksəlib.
Hazırda Ermənistanda 10 min 409 nəfər aktiv koronavirus xəstəsi var.