Türkiyənin Səhiyyə naziri: Partlayışın baş verdiyi fabrikdən indiyədək iki nəfərin cəsədi çıxarılıb
Hendek rayonunda partlayışın baş verdiyi fabrikdən indiyədək iki nəfərin cəsədi çıxarılıb, 73 yaralı var. Yaralılar ətrafdaki xəstəxanalara yerləşdirilirlər.
NUHÇIXAN İnformasiya Agentliyi xəbər verir ki, bunu Türkiyənin Səhiyyə naziri Fahrettin Koca ölkədə pirotexniki vasitələrin istehsal olunduğu ən böyük fabrikdə baş verən partlayışla bağlı açıqlamasında deyib.
Qeyd edilib ki, əraziyə 85 ambulans, 2 helikopter, axtarış-xilasetmə briqadaları və yanğınsöndürənlər cəlb olunub.
Partlayış baş verən zaman müəssisədə 150-200 işçi olub. Bölgədə yaşayan əhaliyə evdən çıxmamaları ilə bağlı xəbərdarlıq edilib.