Gürcüstanda zəlzələ olub

İyulun 12-də Gürcüstanda 4,4 bal gücündə zəlzələ baş verib.

NUHÇIXAN İnformasiya Agentliyi xəbər verir ki, bu barədə Gürcüstanın Seysmoloji Monitorinq Milli Mərkəzi məlumat yayıb.

Bildirilir ki, yeraltı təkanlar yerli vaxtla saat 09:54-də qeydə alınıb.

Zəlzələnin episentri Kareli bələdiyyəsinin Muxileti kəndi yaxınlığında, ocağı 10 kilometr dərinlikdə olub.

Dağıntı və tələfat barədə məlumat verilmir.