Türkiyədə kəşfiyyat təyyarəsinin qəzaya uğraması nəticəsində yeddi polis əməkdaşı həlak olub

Türkiyənin Van bölgəsində kəşfiyyat təyyarəsinin qəzaya uğraması nəticəsində ikisi pilot olmaqla yeddi polis əməkdaşı həlak olub.

NUHÇIXAN İnformasiya Agentliyi xəbər verir ki, Daxili İşlər naziri Süleyman Soylu 2015-ci ildə istehsal olunan təyyarənin Vanın Ferit Melen hava limanından havaya qalxdığını bildirib. Təyyarənin Artos dağına çırpılaraq qəzaya uğradığı ehtimal edilir.

Hadisə ilə bağlı təhqiqat aparılır.