Gürcüstan beynəlxalq müntəzəm aviareyslərə tətbiq olunan qadağaların müddətini uzadıb
Gürcüstan hökuməti beynəlxalq müntəzəm aviareyslərə tətbiq olunan məhdudiyyətlərin müddətini sentyabrın 30-dək uzadıb.
NUHÇIXAN İnformasiya Agentliyi xəbər verir ki, bu barədə ölkənin Mülki Aviasiya Agentliyi məlumat yayıb.
Bildirilib ki, məhdudiyyətlər Münhen, Paris və Riqa istiqamətlərinə uçuşlara şamil olunmayacaq.
Qeyd olunub ki, Gürcüstan digər istiqamətlər üzrə müntəzəm hava əlaqəsinin mərhələli şəkildə bərpasına dair qərarları epidemioloji vəziyyətdən asılı olaraq qəbul edəcək.