Türkiyənin Van gölündə üzən otel fəaliyyət göstərəcək
Türkiyənin Van gölündə fəaliyyət göstərməsi nəzərdə tutulan üzən otelin qurulmasına dair layihə təsdiq edilib.
NUHÇIXAN İnformasiya Agentliyi xəbər verir ki, layihə Van vilayətinin Edremit rayon bələdiyyəsinə aiddir. Türkiyənin Sənaye və Texnologiyalar Nazirliyi layihəni təsdiq edib. Layihəyə görə, üç mərtəbəli gəmi-otelin tikintisinə iki milyon türk lirəsi (təxminən 300 min ABŞ dolları) vəsait ayrılacaq. Bildirilir ki, gəmi-oteldə otelçilik və turizmçilik sahəsinin mütəxəssisləri müştərilərə birgə xidmət edəcəklər.