Apple su üzərində mağaza açacaq
ABŞ-ın "Apple" şirkəti Sinqapurun Marin-Bey körfəzində açılacaq yeni bir pərakəndə mağaza layihəsini açıqlayıb.
NUHÇIXAN İnformasiya Agentliyinin məlumatına görə, bu barədə "The Verge" xəbər verib.
Məlumata əsasən, bu şirkətin ilk üzən mağazası olacaq və suyun üzərində yerləşən futuristik tərzdə inşa ediləcəkdir.
Hal-hazırda şirkət binanın kənardan necə görünəcəyi ilə bağlı yalnız kiçik bir təqdimat videosu yayımlayıb.
Mağaza dünyada sayca 512-ci "Apple Store"un pərakəndə nöqtəsi və Orçard-rouddan sonra Sinqapurda üçüncü olacaq.
Həmçinin mağaza hava limanında yerləşən Jewel Changi ticarət mərkəzində ikinci mağaza olacaq.