Dünyanın ən bahalı sikkəsi hərraca çıxarılıb
Oktyabrın 8-də numizmatlar üçün çox qiymətli olan, 1794-cü ilə aid gümüş ABŞ dollarının yeni sahibi məlum olacaq.
Bu barədə NUHÇIXAN İnformasiya Agentliyi CNN-ə istinadən xəbər verir.
Qeyd edilir ki, o, ilk dəfə 2013-cü ildə 10 milyon ABŞ dollarına satılıb. Gümüş pul növbəti dəfə hərraca çıxarılacaq və qiymətinə görə yeni rekord vura bilər.
Qədim yunan ilahələri kimi üslublaşdırılmış, Azadlığın təsviri olan qadın profilli sikkə ilk kəsilmiş dollar olub. Ehtimal edilir ki, onu ABŞ prezidenti Corc Vaşinqton əlində saxlayıb.
Həmin dövrdə ümumilikdə 1 758 belə sikkə buraxılıb, lakin bu pullardan dövrümüzə təxminən 130-u çatıb. Onlar geniş ictimaiyyət üçün nəzərdə tutulmayıb və Konqres üzvlərinə, ABŞ-ın fəxri vətəndaşlarına paylanılıb.