Ermənistan ordusunun bir neçə hərbçisi istintaqa cəlb olunub

Azərbaycanın işğal edilmiş yaşayış məntəqələrində yerləşdirilən Ermənistan silahlı qüvvələrinin bölmələrində xidmət edən hərbi qulluqçu mülki şəxsə qarşı cinayət törətdiyi üçün istintaqa cəlb olunub.

NUHÇIXAN İnformasiya Agentliyi erməni KİV-lərinə istinadla xəbər verir ki, Tərtər rayonunun işğal olunmuş Kiçik Qarabəy (Möhrətağ) kəndində yaşayan Artuş Avakyan Ermənistan Müdafiə Nazirliyinin “qaynar xətt”inə zəng edərək hərbi qulluqçular tərəfindən daim incidildiyini, hədə-qorxulara məruz qaldığını, eləcə də pulunun və əmlakının zorla əlindən alındığını bildirib.

Faktla bağlı hərbi prokurorluq tərəfindən cinayət işi açılıb. Bir neçə erməni hərbi qulluqçu istintaqa cəlb olunub.