Türkiyənin Gaziantep bölgəsində yeni qurulan fabriklərin açılışı olub

Türkiyənin Gaziantep şəhərində 300 fabrikin birlikdə açılış mərasimi keçirilib.

NUHÇIXAN İnformasiya Agentliyi xəbər verir ki, Türkiyə Prezidenti Rəcəb Tayyib Ərdoğan açılış mərasimində çıxışı edib. Koronavirus (COVID-19) pandemiyası dövründə Türkiyə iqtisadiyyatının yeni bir rekordlara doğru irəliləməkdə olduğunu ifadə edən dövlət başçısı deyib ki, Gaziantep bölgəsindəki fabriklərin qurulmasına ümumilikdə 1 il yarım vaxt sərf olunub. On beş milyard (təxminən 2 milyard ABŞ dolları) türk lirəsi sərmayə hesabına başa gələn bu müəssisələrdə, ümumilikdə 45 min vətəndaş işlə təmin olunacaq.