İzmirdə dağıntılar altından daha üç nəfər çıxarılıb

İzmirdə zəlzələ nəticəsində həlak olanların sayı 25-ə, yaralananların sayı 804 nəfərə çatıb.

NUHÇIXAN İnformasiya Agentliyi xəbər verir ki, zəlzələ bölgəsində axtarış-xilasetmə işləri davam etdirilir.

Dağıntılar altından zəlzələdən 17 saat sonra daha üç nəfər çıxarılıb. Onlar müxtəlif bədən xəsarətləri ilə xəstəxanalara yerləşdiriliblər.

Xatırladaq ki, oktyabrın 30-da Türkiyənin Egey bölgəsində 6,6 bal gücündə zəlzələ baş verib. Yeraltı təkanlar İstanbul da daxil olmaqla, Egey və Marmara bölgəsinin hər yerində hiss edilib.